«Ясауи» тобы – Әзіреті Сұлтан Қожа Ахмет Ясауи хикметтері мен ақын-шайырлардың өсиет-толғауларын сахналық үлгіде, музыкалық аспаптың сүйемелдеуінсіз (акапелла) орындауды Қазақстанда алғаш қолға алған профессионал музыканттардың шығармашылық ұжымы.
Құрамы 7 жігіттен тұратын топ 2000 жылы құрылған.
Көркемдік жетекшісі – Елдос Еміл.
Топ гастролдік сапарлармен қазақ даласының барлық өлкесінде өнер көрсетіп, елдің ыстық ықыласына бөленді. Сонымен қатар, шығармашылық ұжым шет елдерде — Түркия, Моңғолия, Ресей, Қырғызстан, Тәжікстан, Өзбекстан мемлекеттерінің сахналарында рухани әуендерін әуелетті.
«Ясауи» тобы — 2009 жылы Түркияның Конья қаласында өткен VI Халықаралық мистикалық музыка фестивалінің ГРАН-ПРИ жеңімпазы.
